ქუთაისის მეტალურგიულ ქარხანაში ინდური ინვესტიცია გასული წლის ზაფხულში ჩაიდო. ინვესტორებმა პირველ ეტაპზე ქარხნის ასამოქმედებლად აუცილებელი სამუშაოები აწარმოეს – აიგო 8 ღუმელი, რკინის სხვადასხვა დეტალების დასამზადებლად დამონტაჟდა თანამედროვე დანადგარები, დასაქმდა 440 ადამიანი. ქარხანა სრულად დეკემბრის თვიდან ამუშავდება და, როგორც ამბობენ, დასაქმებულთა რიცხვიც მნიშვნელოვნად გაიზრდება.