14 ივლისს მოკლული 27 წლის მსახიობის, გიორგი ფოჩხუას მკვლელობაში ეჭვმიტანილი ბექა ცობეხია სამართალდამცველებს გუშინ ჩაბარდა.
მკვლელობის დღიდან პოლიციაში გამოცხადებამდე ის აფხაზეთის ოკუპირებულ ტერიტორიას აფარებდა თავს. შსს ადასტურებს იმ ფაქტს, რომ ბრალდებული სამართალდამცველებს ჩაბარდა, მისი დაკითხვა ამ წუთებშიც მიმდინარეობს.
დაკავებულია ასევე მკვლელობის ერთ-ერთი თანამონაწილე, ისიც ადგილობრივ პოლიციაში საკუთარი ნებით გამოცხადდა.
თავდაპირველად გავრცელდა ინფორმაცია, რომ მსახიობი ანაკლიაში ზღვაში დაიხრჩო. თუმცა, როგორც ახლობლები თავიდანვე აცხადებდნენ, მის სხეულს ძალადობის კვალი აღენიშნებოდა, რაც ექპერტიზამაც დაადასტურა. ახლობლების განცხადებით, გიორგი ფოჩხუას სასტიკად გაუსწროდნენ და შემდეგ, დანაშაულის დაფარვის მიზნით, ზღვაში გადააგდეს.