27 თებერვალს  ლეიბორისტულმა პარტიის ქუთაისის ოფისში პრესკონფერენცია გაიმართა.

ლეიბორისტებმა ამჯერად იმერეთის ენერგეტიკის სისტემაში განხორციელებული ცვლილება გააპროტესტეს. მათი კრიტიკა შპს „ვარციხე 2005“-სა და შპს „ვარციხჰესის კასკადს“ შეეხო. ლეიბორისტული პარტიის ქუთაისელი ლიდერის სამსონ გუგავას აზრით, მოხდა ერთი კომპანიის გაყოფა ორ ნაწილად, რის შემდეგაც ერთ-ერთ მათგანს დააწერეს ვალები, ჯამში 31 მილიონი ლარი და, ამავდროულად, აქტივში არაფერი დაუტოვეს, ანუ გააკოტრეს, ხოლო მეორეს მთელი აქტივები გადასცეს.  თუ მთავრობაში არ დაინტერესდებიან აღნიშნული ფაქტით, ლეიბორისტები მერიის წინ ჩვეული აქციებით იმუქრებიან.