მარინა პიკასოს, რომელიც მხატვრის უფროსი ვაჟის ქალიშვილია, 7 ნახატის გაყიდვა აქვს გადაწყვეტილი. ნამუშევრები 1905-1965 წლებშია შექმნილი. მათ შორის ყველაზე ძვირფასი „დედაშვილობა“ და „ქალის პორტრეტია“, რომელთა ღირებულება შესაბამისად 54 და 60 მილიონი დოლარია.
მოლაპარაკებებს მყიდველებთან თავად მხატვრის შვილიშვილი ჟენევაში აწარმოებს. ის ნიცის საგვარეულო ვილის გაყიდვასაც აპირებს, რომელიც ბაბუისგან ანდერძით ერგო. მარინა პიკასო ამას „წარსულისგან გათავისუფლებას“ უწოდებს და აცხადებს, რომ იმ დანატოვარის მოშორებას აპირებს, რომელიც ბაბუისგან „უსიყვარულოდ“ ერგო.
მან არაერთხელ დაადანაშაულა პაბლო პიკასო, რომ მის ბავშვობაში მხატვარი ოჯახს უარყოფდა. მარინას ბებია რუსი ბალერინა ოლგა ხოხლოვა იყო. ძმამ, პაბლიტომ 1973 წელს სიცოცხლე თვითმკვლელობით დაასრულა.
წყარო: http://ipress.ge/