აღნიშნული პროგრამის ფარგლებში ზესტაფონის მუნიციპალიტეტში უკვე დაიწყო მოსახლეობასთან შეხვედრა. მოსახლეობის ჩართულობის, სოფლის პრიორიტეტების განსაზღვრისა და შესაბამისი პროექტების შერჩევის მიზნით, დღეს, ზესტაფონის მუნიციპალიტეტის გამგებლის მოადგილე ხვიჩა გუმბერიძე გამგეობის თანამშრომლებთან ერთად ქვედა საზანოს თემის მოსახლეობას ადგილზე შეხვდა.
ადგილობრივი თვითმმართველობის წარმომადგენლებმა სოფლის მოსახლეობისაგან პრიორიტეტული წინადადებები განიხილეს, რომელიც მიმდინარე პროექტის ფარგლებში დაფინანსდება. სულ ,,სოფლის მხარდაჭერის პროგრამის" ფარგლებში ქვედა საზანოს თემისთვის 105 220 ლარია გამოყოფილი. აღნიშნული თანხა თემში შემავალ სოფლებზე თანაბრად არის გადანაწილებული.