ენერგეტიკის მინისტრი კახა კალაძე აცხადებს, რომ ენერგეტიკის სექტორი ინვესტიციების შემოდინების კუთხით პირველ ადგილზეა. მისი თქმით, ინვესტიციების რაოდენობა გაიზრდება, რასაც ახალი მოქნილი წესები შეუწყობს ხელს. "დღეს, ამაყი ვარ რადგან ენერგეტიკის სექტორი ინვესტიციების შემოდინების კუთხით პირველ ადგილზეა შარშანდელ ანალოგიურ თვეებს რომ შევადაროთ 20 %-ით არის გაზრდილი ინვესტიციების რაოდენობა", - განაცხადა კალაძემ. მინისტრი ამბობს, რომ სამინისტროს მიერ განხორციელებული ახალი წესების შეტანა მთავრობის დადგენილებაში იმან განაპირობა, რომ წლების წინ გაფორმებულ მემორანდუმებში ახალმა ხელისუფლებამ პრობლემები აღმოაჩინა. "როცა ჩვენ მოვედით ხელისუფლებაში დავიწყეთ არსებული მემორანდუმების შესწავლა, რომლებიც წლების წინ იყო გაფორმებული. მათ უმრავლესობაში ინვესტორებთან არსებობდა პრობლემები, მათი მხრიდან იყო გარკვეული კითხვები, ამის გათვალსიწინებით, შევიმუშავეთ უფრო გამარტივებული და საინტერესო ცვლილებები", - განაცხადა კალაძემ.
წყარო:
news.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი