ქუთაისში, ჭავჭავაძის გამზირზე „მაკდონალდსის“ მშენებლობის დაწყებას ლეიბორისტები აპროტესტებენ. პარტიის ადგილობრივი ორგანიზაციის თავმჯდომარის სამსონ გუგავას განცხადებით, ის რკინიგზისა და ავტოსადგურების ფუნქციონირებას ხელს შეუშლის.
ლეიბორისტები იმასაც აცხადებენ, რომ ქუთაისის მერია ამ საკითხზე კორუფციულ გარიგებაში ჩაერთო და მშენებლობა კანონდარღვევით მიმდინარეობს.
ქუთაისის ვიცე-მერი ზაზა ნუცუბიძის განცხადებით, კანონდარღვევას ადგილი არ ჰქონია, თავიდან შემოთავაზებული იყო შენობის სამი პროექტი, საბოლოოდ შეირჩა ის, რომელსაც ქუთაისელთა უმეტესობამ დაუჭირა მხარი. ჭავჭავაძის გამზირზეც სწორედ მისი მშენებლობა მიმდინარეობს.