ვრცელდება ახალი ინფორმაცია ქუთაისის მერობის კანდიდატების რაოდენობასთან დაკავშირებით. საკრებულოს ახლადშექმნილი მუდმივმოქმედი კომისიის თავმჯდომარის მოადგილის, მამუკა მღვდელაძის თქმით, მერის ვაკანსიაზე ამ დროისთვის შემოსულია 30-მდე განცხადება, რომელთაგან უმრავლესობა თბილისში მაცხოვრებელია.
„სამწუხაროდ, ქუთაისელები არ გვწყალობენ,“ – ამბობს საკრებულოს წევრი მამუკა მღვდელაძე.
შეგახსენებთ, რომ ქალაქის მერის არჩევის მიზნით ქუთაისის საკრებულოში 1 მაისს შეიქმნა მუდმივმოქმედი კომისია, რომელიც ქალაქის თავს კონკურსის წესით ორი კვირის ვადაში შეარჩევს. შერჩეულ კანდიდატურას ქალაქის საკრებულო დაამტკიცებს.