ქუთაისის მერმა ოპერის თეატრის წარმომადგენლები მიიღო. ნუგზარ შამუგიამ თეატრის ხელმძღვანელებსა და მსახიობებს წარმატებული პრემიერა მიულოცა. ქუთაისის მელიტონ ბალანჩივაძის სახელობის ოპერის თეატრის სცენაზე გაცოცხლებული ,,ტრავიატა“, ქალაქის პირველი პირის თქმით, კიდევ ერთხელ ადასტურებს თეატის მსახიობების მაღალ დონეს.
ნუგზარ შამუგიამ ოპერის მომღერლებს ყვავილები და სამახსოვრო საჩუქრები გადასცა და მათ მომავალი წარმატებები უსურვა. ქუთაისის მელიტონ ბალანჩივაძის სახელობის ოპერის თეატრმა ოპერის მოყვარულებს ჯუზეპე ვერდის ნაწარმოებით ,,ტრავიატა“ 15-17 ივლისს უმასპინძლა. ორივე დღემ ანშლაგით ჩაიარა.