რა მიხარია სასწავლო წლის დაწყება! პირდაპირ გული მიჩქარდება, დილას რო გამევიხედავ და ქუჩა სავსე როა დაფთქიალებული ბოვშებით. რა ჯობია მაგათ ყურებას. მაგენივით, მეც მთელი წელი ვუცდი სწავლის დაწყებას. აგერ, ახლოში სკოლა რო მაქ, იმ სკოლაში გადავდივარ ყოველ სასწავლო წლის დასაწყისს. ისედაც პატივს მცემენ, დირექტორია თუ მასწავლებელი, - მობრძანდი, ქაიხოსრო ბიძია, ერთი-ორი კაი სიტყვა დაარიგე ამ ბოვშებს, ამდენ ჭირვარამგამოვლილი კაცი ხარ და შენი დალოცვა მთელი წელი ეყოფათ ბოვშებსო...
წელსაც გედევედი ამ ჩემ სკოლაში. იყო ერთი ჩოჩქოლი და სიცილ-ხარხარი. დირექტორი ქე ატარებდა მიტინგს, მარა ვინ უსმენდა? მონატრებული ბოვშები ერთმანეთს ეხვეოდენ კისერზე, მშობლები ერთად ჭორაობდენ და იყო ერთი ამბავი. მეც აღარ შევჩხერილვარ თვალში დირექტორს და მასწავლებლებს, ჩუმად ამევეფარე მშობლებს. იქედანაც კი ვხედავდი ბოვშების ცქრიალს...
სიტყვით გამევიდა დირექტორი, მისი მოადგილე, იმისი კიდო მოადგილე და კიდო მასწავლებლები... ყველა ერთიდაიგივეს არ გეიძახოდა? ჩამოთვლიდენ ბოვშების სახელებს და... ა, ბატონო, ამგენმა რაფერ გვასახელეს ეროვნულ გამოცთებში, ჩააბარენ და ხო ხედავთ, რა სკოლაა, ამდენმა ბოვშმა მიიღო დაფინანსებაო... ჩეეცინათ ჩემ წინ მდგარ მშობლებს - ხო, სულ თქვენთან ნასწავლით ჩააბარეს ახლა მაგ ბოვშებმაო...
გულში მეც გამკრა, რა სკოლის დამსახურებაა, ნეტაი, იმ ბოვშებმა რო ჩააბარენ, ერთი ის დაასახელეთ, მარტო სკოლის ცოდნით თუ მეეწყო ვინმე, თვარა რეპეტიტორებთან დატოვებული ათასების მერე კი უნდა ჩეებარებიათ, აბა, არა?
ამ ჩემგვერდით სკოლაში კი არა, თურმე თავიანთ სასექტემბრო მიტინგებზე სხვა სკოლის დირექტორებსაც მოქონდათ თავი, ჩვენი ყოფილი მოსწავლეები სტუდენტები გახდენ და, ხო ხედავთ, რა მაგრები ვართო! მომივიდა ეს ამბები.
კი მარა, თქვე დალოცვილებო, მთელი ქუთაისის მაშტაბით მანახეთ ერთი, რომელმა ბოვშმა ჩააბარა მოუმზადებლად, მარტო სკოლის ხარჯზე? ოჯახაშენებულებო, ხელფასებს გიზრდიენ, კიდო გაზრდას ითხოვთ, ერთ ბოვშს მაინც ასწავლეთ ისე, რო თავისით მოხვდეს უმაღლესში. ან თავი რას მოგაქვთ მერე, ჩვენმა მოსწავლემ ჩააბარაო. სირცხვილი არ არის?