საერთაშორისო სავალუტო ფონდმა საფრანგეთის ეკონომიკური ზრდის მაჩვენებლები შეაჯამა და სიტუაციას ნეგატიური უწოდა.
„ევრონიუსთან” საუბარში სსფ-ის საფრანგეთის მისიის ხელმძღვანელი ედუარდ გარდნერი აცხადებს, რომ ქვეყანაში მთლიანი შიდა პროდუქტის (მშპ) მოცულობა 0,2 პროცენტით შემცირდა. უმუშევრობის დონემ კი რეკორდულ მაჩვენებელს - 11 პროცენტს მიაღწია.
სავალუტო ფონდის მიერ გამოქვეყნებულ ანგარიშში ნათქვამია, რომ ეკონომიკური მაჩვენებლების გასაუმჯობესებლად ქვეყნის ხელისუფლებამ უნდა გაატაროს სერიოზული ეკონომიკური რეფორმები. განსაკუთრებით კი შრომის ბაზარზე, კონკურენტუნარიანობის ამაღლების მიმართულებით.
სსფ-ის საფრანგეთის მისიის ხელმძღვანელის პროგნოზით, საეჭვოა, საფრანგეთის მთავრობამ წლის ბოლომდე უმუშევრობის მაჩვენებელი უკეთესი მონაცემებით შეცვალოს.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი