გაერთიანებული წყალმომარაგების კომპანიის ქუთაისის სერვის ცენტრის ცნობით, 12 ოქტომბერს ქუთაისის მოსახლეობასა და ორგანიზაცია-დაწესებულებებს სასმელი წყლის მიწოდება შეუწყდება. ამის მიზეზად კომპანია მუხიანის სათავე ნაგებობიდან ქვიტირის მეორად გადამქაჩ სადგურამდე არსებულ მაგისტრალურ ქსელზე წყალქცევების სალიკვიდაციო სამუშაოებს ასახელებს. ამავდროულად კომპანია აპირებს სოფელ ოფშკვითში რეაბილიტირებული წყალმომარაგების ქსელის მაგისტრალურ სისტემაზე დაერთებასაც, რაც, ბუნებრივია, გარკვეულ შეფერხებებს გამოიწვევს.