შვედეთის საგარეო საქმეთა მინისტრი კარლ ბილდტი ვიზიტით უკრაინაში, მოლდოვასა და საქართველოში ჩასვლას გეგმავს.
უკრაინული გამოცემა "ტელეგრაფის" (ტელეგრაფ.ცომ.უა) ინფორმაციით, მომავალ კვირას დაგეგმილი ვიზიტის შესახებ მინისტრმა სოციალურ ქსელ "თვითერის" საკუთარ გვერდზე დაწერა.
"ამ დღეებში ვიქნები მოლდოვაში, საქართველოსა და უკრაინაში. ასოცირების მნიშვნელოვანი ხელშეკრულების ხელმოწერის შემდეგ განვიხილავთ არსებულ გამოწვევებს", – წერს ბილდტი.
27 ივნისს საქართველომ, უკრაინამ და მოლდოვამ ევროკავშირთან ასოცირების შესახებ ხელშეკრულებას მოაწერეს ხელი.


წყარო: interpressnews.ge