12 ივნისს, ერევანში, საქართველოსა და სომხეთის საგარეო საქმეთა სამინისტროებს შორის ორმხრივი პოლიტიკური კონსულტაციების
მორიგი რაუნდი გაიმართება. როგორც საქართველოს საგარეო საქმეთა მინისტრის პირველმა მოადგილემ, დავით ზალკალიანმა ორშაბათის ტრადიციულ პრესკონფერენციაზე განაცხადა, კონსულტაციები მინისტრის მოადგილეების დონეზე გაიმართება.
საქართველოს საგარეო უწყების დელეგაციას მინისტრის მოადგილე დავით ჯალაღანია უხელმძღვანელებს.
სომხურ მხარესთან შეხვედრისას განხილული იქნება ორმხრივ და მრავალმხრივ ფორმატებში თანამშრომლობის საკითხთა ფართო სპექტრი.
წყარო:
interpressnews.ge