"ქართული ოცნების" ცენტრალურ ოფისთან რუსთავი-თბილისის სამარშრუტო ხაზების მძღოლების აქცია დასრულდა.
როგორც ერთ-ერთმა მძღოლმა, ლევან მჭედლიძემ განაცხადა, ისინი რუსთავში, მერიასთან გადაინაცვლებენ. მისივე თქმით, მერიასთან სამომავლო გეგმებზე იმსჯელებენ.
ამასთან, მჭედლიძის ინფორმაციით, მერიასთან არის კარვები, სადაც მუდმივად იმართება მძღოლების საპროტესტო აქციები. მძღოლების განცხადებით, ისინი ბოლომდე გააგრძელებენ ბრძოლას მათი მოთხოვნების დასაკმაყოფილებლად.
წყარო:
interpressnews.ge