საქართველოს საგარეო საქმეთა მინისტრი მაია ფანჯიკიძე დღეს, ევროპის სოციალისტური პარტიისა (PES) და ევროპარლამენტის სოციალ-დემოკრატების პროგრესული ალიანსის (S&D Group) წარმომადგენლებს შეხვდება. ევროპის სოციალისტური პარტიისა და ევროპარლამენტის სოციალ-დემოკრატების პროგრესული ალიანსის წარმომადგენლების საქართველოში ვიზიტი 15-17 დეკემბერსაა დაგეგმილი. დელეგაციის წევრები შეხვედრებს გამართავენ საქართველოს აღმასრულებელი და საკანონმდებლო ხელისუფლების წარმომადგენლებთან. ასევე დაგეგმილია შეხვედრა საქართველოს პრეზიდენტთან გიორგი მარგველაშვილთან.
დელეგაციას ხელმძღვანელობს დემოკრატიისა და ერთობისთვის ევროპული ფორუმის პრეზიდენტი, შვედეთის პარლამენტის სოციალ-დემოკრატიული პარტიის წევრი ტომმი ვეიდელიჩი.

წყარო: interpressnews.ge