დღეს ქუთაისის აკაკი წერეთლის სახელმწიფო უნივერსიტეტის სტუდენტებს ჟურნალისტმა ია ანთაძემ სამოქალაქო განვითარების ინსტიტუტის მიერ შექმნილი პროექტი გააცნო, რომლის მიზანია მოქალაქეთა ჩართულობა ინფორმაციის მოპოვებისა და გავრცელების პროცესში. პროექტი USAID-ის დაფინანსებით ხორციელდება.
საქართველოს ნებისმიერ მოქალაქეს, რომელსაც აქვს საინტერესო და მნიშვნელოვანი ინფორმაცია ხელისუფლებაზე ან ოპოზიციონერ სუბიექტებზე, შესაძლებლობა ექნება, დარეკოს ან წერილი გააგზავნოს ტელეფონზე 890 88 99 00, ან მიაწოდოს ინფორმაცია ვებ-გვერდს www.cdi.org.ge, რის შემდეგაც ჟურნალისტები დაიწყებენ ამ ინფორმაციაზე მუშაობას. ინფორმაციის მომწოდებლის ანონიმურობა გარანტირებული იქნება.
ია ანთაძის თქმით, საზოგადოება მზად არის, ჩაერთოს ხარისხიანი ინფორმაციის გავრცელებაში და ეს პროექტიც სწორედ ამისთვისაა შექმნილი.