13 ავისტოს, ქუთაისში „თი ბი სი“ ბანკის ახალი ფილიალი კაფე-რესტორან „ნიკალას“ ყოფილ შენობაში, გრიშაშვილის №26-ში გაიხსნა.

საზეიმო ვითარებაში ცისფერი ლენტი თავად ბანკის სამეთვალყურეო საბჭოს თავმჯდომარემ მამუკა ხაზარაძემ იმერეთის მხარეში პრეზიდენტის რწმუნებულთან, მიხეილ ჩოგოვაძესთან ერთად გაჭრა. სტუმრებთან მისალმებისას კი აღნიშნა, რომ „თი ბი სი“, მსოფლიოს ფინანსური კრიზისის მიუხედავად, მაინც წინ მიიწევს და მისი აქტივები თანდათან იზრდება.

ფილიალის პრეზენტაციაზე თბილისში, ჭავჭავაძის ქუჩაზე მდებარე ბინის გასაღები ქუთაისელ ნესტან იაშვილსაც გადასცეს, რომელსაც კახი კავსაძემ რამდენიმე კვირის წინ დაურეკა და ეს სასიხარულო ფაქტი აცნობა.