ორი დღეა, ქუთაისში ტრანსპორტის მძღოლები გაფიცულები არიან და ქალაქი პარალიზებულია. ისინი მგზავრობის ღირებულების გაზრდას ითხოვდნენ, თუმცა მერიასთან მოლაპარაკებები უშედეგოდ დასრულდა.
მიუხედავად ამისა, ცოტა ხნის წინ შეწყდა პროტესტი და სამარშუტო ტაქსების ნაწილი გაზრდილი ტარიფით ემსახურება მგზავრებს.
როგორც მერიის პრესსამსახური აცხადებს, ტარიფის გაზრდა თვითნებურად მოხდა, რაც კანონდარღვევაა. მერიას აღნიშნულის შესახებ გადაწყვეტილება არ მიუღია.
თუ მძღოლი გაზრდილი ტარიფით მოითხოვს მგზავრობის საფასურის გადახდას, გვაცნობეთ ცხელ ხაზზე 242651 - აცხადებენ მერიაში