საიტი მუშაობს ტესტირების რეჟიმში
სპონსორი: PSnewsGE
სკოლებში გრიპის ვირუსის პრევენციული ღონისძიებები გრძელდება
ავტორი: PS („პოსტსკრიპტუმი“)
2016/01/29 14:32:05

საქართველოს განათლებისა და მეცნიერების მინისტრის მოადგილემ ლია გიგაურმა და დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტორმა ამირან გამყრელიძემ თბილისის სხვადასხვა, მათ შორის N87- და N89-ე სკოლები მოინახულეს, სადაც პირადად გაეცნენ თუ როგორც მიმდინარეობს იმ რეკომენდაციების დაცვა, ომელიც გრიპის ვირუსის პრევენციას უკავშირდება. ამასთან, რამდენად სრულფასოვანია სკოლის ექიმის ჩართულობა ამ პროცესში და როგორ ხორციელდება გაკვეთილებზე მოსწავლეთა დასწრების მონიტორინგი.


თბილისის N87-ე საჯარო სკოლაში სწავლა არ შეჩერებულა და საგაკვეთილო პროცესი ჩვეულ რეჟიმში მიმდინარეობს. სკოლა იცავს ყველა იმ რეკომენდაციას, რაც დაავადების თავიდან ასაცილებლად პრევენციულ ღონისძიებებს უკავშირდება და ომელსაც ჯანდაცვის საერთაშორისო ორგანიზაციისა და საქართველოს დაავადებათა კონტროლის ეროვნული ცენტრი გასცემს.


რაც შეეხება თბილისის N89-ე საჯარო სკოლას, 26 იანვრიდან  ვირუსის გავრცელების გამო გაცდენების ზრდის საფუძველზე სკოლაში სასწავლო პროცესი რამდენიმე დღით შეჩერებულია და ამ ეტაპზე სადეზინფექციო სამუშაოები მიმდინარეობს. საკლასო ოთახები სველი წესით მუშავდება, მერხებისა და იატაკების გაწმენდა შესაბამისი ხსნარებით მიმდინარეობს და ყველა პრევენციული ღონისძიება ტარდება.


ამ ეტაპზე ვირუსის გავრცელების გამო სასწავლო პროცესი 282 სკოლაშია შეწყვეტილი. რაც შეეხება დიდთოვლობის გამო სასწავლო პროცესის შეჩერებას, სკოლების ხელმისაწვდომობა რაიონებში გამოსწორდა და ამ დროისთვის დარჩა  61 სკოლა,სადაცსასწავლო პროცესი შეჩერებულია.


 

საქართველოს განათლებისა და მეცნიერების სამინისტროს გადაწყვეტილებით 3 დღით სასწავლო პორცესი იმ კონკრეტულ სკოლებში შეჩერდა, სადაც გაცდენების რაოდენობა 20%- აღემატება. გაცდენილი საათები კი შაბათი დღეების ხარჯზე ანაზრაურდება. სასწავლო პროცესი ყველა სკოლაში 1 თებერვალს აღდგება.


'.$TEXT['print'].'
სულ ნანახია - 15038
სხვა ამბები
ბოლოს იხილეს
მსგავსი სიახლეები
დამზადებულია Pro-Service -ის მიერ
© PSnews 1995 - 2019 საავტორო უფლებები დაცულია