ქუთაისში მდინარე რიონში მამაკაცს ეძებენ.
როგორც საპატრულო პოლიციის წარმომადგენლები აცხადებენ, 112-ზე რამდენიმე წუთის წინ შევიდა შეტყობინება იმის შესახებ, რომ მდინარე რიონში რუსთაველის ხიდიდან მამაკაცი გადახტა. ადგილზე მობილიზებული არიან საპატრულო, სამაშველო და სასწრაფო დახმარების სამსახურები, თუმცა მდინარეში გაუჩინარებულ მამაკაცს ამ დრომდე ვერ მიაკვლიეს. როგორც ირკვევა, შემთხვევას თვითმხილველები არ ჰყავს და სამაშველო სამსახური მამაკაცს მხოლოდ 112-ზე დაფიქსირებული ზარის საფუძველზე ეძებს.