იმერეთის გუბერნატორმა ზაზა მეფარიშვილმა, დღეს, რაიონის გამგებლებთან შეხვედრაზე, რამდენიმე დღის წინ მედიასთან პირველი შეხვედრის შემდეგ გაკეთებული შეფასებებისთვის ჟურნალიტებს მადლობა გადაუხადა. მეფარიშვილის თქმით, მისთვის ობიეტქური კრიტიკა ყოველთვის მისაღებია.
„მადლობა ჟურნალისტებს ობიექტური შეფასებისთვის. კრიტიკა, რომელიც საფუძვლიანი იყო აუცილებლად იქნება ჩემს მიერ გათვალისწინებული",-განაცხადა მეფარიშვილმა.
გამგებლებთან და ქუთაისის მერიის წარმომადგენლებთან შეხვედრაზე გუბერნატორმა ასევე ისაუბრა გუბერნიაში დაგეგმილ რეორგანიზაციაზე. მეფარიშვილის თქმით, რეორგანიზაციას ორი უმთავრესი მიზანი აქვს: გუბერნატორის აპარატის მუშაობა იყოს ეფექტური, ხოლო თვთმმართველობის წარმომადგენლებთან ურთიერთობები - მჭიდრო. გუბერნიაში რეორგანიზაციის პროცესი მომავალი წლის 27 იანვრამდე უნდა დასრულდეს.
დღესვე, იმერეთის გუბერნატორი საქართველოს გაერთიანებული წყალმომარაგების კომპანიის, სააქციო საზოგადოება „ენერგო პრო-ჯორჯიას", ეროვნულ სატყეო სააგენტოსა და „სოკარ ჯორჯია გაზის" რეგიონულ წარმომადგენლებს შეხვდება.