არასაპარლამენტო ოპოზიცია, ხელისუფლებისგან ქვეყანაში თავისუფალი საარჩევნო გარემოს უზრუნველყოფის და საარჩევნო კანონმდებლობაში დემოკრატიული ცვლილებების გატარების მოთხოვნით, ქუთაისში, პარლამენტის მიმდებარე ტერიტორიაზე, მასშტაბურ საპროტესტო აქციის გამართვას გეგმავს.

პარტიათა განცხადებით, მათი უკმაყოფილების მიზეზი ხელისუფლებაში მიღებული გადაწყვეტილებაა, რაც „ერთიანი ნაციონალური მოძრაობის“ დროს შემუშავებული საარჩევნო კანონპროექტის ძალაში დატოვებას გულისხმობს,. რომელიც, მათივე განცხადებით, არასაპარლამენტო ოპოზიციის განადგურებას გამოიწვევს, ვინაიდან აღნიშნული კანონპროექტით სახელმწიფოს მხრიდან დაფინანსებას, მხოლოდ „ქართული ოცნება“ და „ერთიანი ნაციონალური მოძრაობა“ მიიღებს.

არასაპარლამენტო პარტიების წარმომადგენლები ამომრჩევლებს მოუწოდებენ, დაგეგმილ აქციას შეუერთდნენ.