ვინ შევა პარლამენტში „ქართული ოცნებიდან“ და ნაციონალური მოძრაობიდან პარტიული სიით
ცენტრალურმა საარჩევნო კომისიამ 2012 წლის 1 ოქტომბრის პარლამენტის არჩევნების წინასწარი შედეგების შეჯამება დაასრულა. 3,766 უბნიდან დათვლილია ყველა უბნის მონაცემი. ცვლილებები შეიძლება მოხდეს მხოლოდ გასაჩივრების პროცედურების შედეგად, თუმცა რაიმე სახის მნიშვნელოვანი ცვლილება ნაკლებად სავარაუდოა.
5 ოქტომბრის მდგომარეობით მონაცემები შემდეგია:
„ბიძინა ივანიშვილი - ქართული ოცნება“ - მიღებული ხმების რაოდენობაა 1,184,588, რაც შეადგენს საერთო რაოდენობის 54.9 %-ს.
„ერთიანი ნაციონალური მოძრაობა - მეტი სარგებელი ხალხს“ - მიღებული ხმების რაოდენობაა 872,336, რაც შეადგენს საერთო რაოდენობის 40.4 %-ს;
დანარჩენი საარჩევნო სუბიექტების შედეგები მნიშვნელოვნად ჩამორჩება 5%-იან მაჩვენებელს.
საარჩევნო ადმინისტრაციას დარჩენილ პერიოდში ჩასატარებელი აქვს კანონმდებლობით გათვალისწინებული პროცედურები, რათა შეიქმნას დოკუმენტი, რომელიც იქნება ძალაუფლების განაწილების იურიდიული საფუძველი.
დღეისათვის მიმდინარეობს საჩივრების განხილვის ეტაპი.
წინასწარ გამოცხადებული შედეგებიდან გამომდინარე, 2012 წლის მოწვევის პარლამენტში, სავარაუდოდ, მხოლოდ ორი პოლიტიკური ძალა იქნება წარმოდგენილი - „ქართული ოცნება“ და ნაციონალური მოძრაობა. მათ 150 სადეპუტატო მანდატი უნდა გაინაწილონ: 73 მაჟორიტარული და 77 პარტიული სიით. ცესკო-ს პირველად მონაცემებზე დაყრდნობით, „ქართულ ოცნებას“ პარლამენტში 97 (47 მაჟორიტარი და 50 პროპორციული), ხოლო ნაცმოძრაობას 53 დეპუტატი (26 მაჟორიტარი და 27 პარტიული) გაჰყავს.
გთავაზობთ „ქართული ოცნების“ პარტიული სიის დეპუტატობის 50 კანდიდატის და ნაციონალური მოძრაობის 37 კანდიდატის სიას. აღნიშნულ სიებში არის რამდენიმე პირი, რომლებმაც პარლამენტის წევრის მანდატი მაჟორიტარულ არჩევნებში მოიპოვეს.
„ქართული ოცნება“ - პარტიული სია
1. კახა კალაძე ; 2. მანანა კობახიძე; 3. ირაკლი ალასანია; 4. დავით უსუფაშვილი; 5. გუბაზ სანიკიძე; 6. გიორგი თოფაძე; 7. ზვიად ძიძიგური; 8. ივანე კიღურაძე; 9. დავით საგანელიძე; 10. ირაკლი ღარიბაშვილი; 11. კობა დავითაშვილი; 12. გია ჟორჟოლიანი; 13. გიორგი გაჩეჩილაძე; 14. მაია ფანჯიკიძე; 15. დავით ბერძენიშვილი; 16. ნოდარ ხადური; 17. ნინო გოგუაძე; 18. გელა ხვედელიძე; 19. გიორგი ხეჩინაშვილი; 20. თედო ჯაფარიძე; 21. ზურაბ ტყემალაძე; 22. სოზარ სუბარი; 23. გიგა ბუკია; 24. ლაშა ნაცვლიშვილი; 25. ირაკლი ჩიქოვანი; 26. ირინე იმერლიშვილი; 27. გიგლა აგულაშვილი; 28. ლევან ბერძენიშვილი; 29. გოგლა ჟვანია; 30. ანი მიროტაძე; 31. გუგული მაღრაძე; 32. თამაზ ყაჭეიშვილი; 33. გიორგი ვოლსკი; 34. ბიძინა გუჯაბიძე; 35. თამაზ ავდალიანი; 36. ალი მამედოვი; 37. ალექსი პეტრიაშვილი; 38. რუსლან პოღოსიანი; 39. შალვა კიკნაველიძე; 40. კარლო კოპალიანი; 41. დემურ ბაშელეიშვილი; 42. ნანა ყეინიშვილი; 43. მერაბ კაჭახიძე; 44. ერეკლე ტრიპოლსკი; 45. გიორგი ცაგარეიშვილი; 46. მირიან ოდიშარია; 47. თინათინ ხიდაშელი; 48. ირაკლი სესიაშვილი; 49. მალხაზ ვახტანგაშვილი; 50. არჩილ კბილაშვილი.
ნაციონალური მოძრაობა - პარტიული სია
1. დავით ბაქრაძე; 2. პეტრე ცისკარიშვილი; 3. გიორგი ბარამიძე; 4. თინათინ ბოკუჩავა; 5. გიორგი თევდორაძე; 6. ჩიორა თაქთაქიშვილი; 7. მიხეილ მაჭავარიანი; 8. გიორგი ვაშაძე; 9. დავით საყვარელიძე; 10. მარიამ საჯაია; 11. გოკა გაბაშვილი; 12. ზურაბ ჯაფარიძე; 13. სერგო რატიანი; 14. გიორგი ოჩიაური; 15. ნიკოლოზ ყიფშიძე; 16. ირმა ნადირაშვილი; 17. გიგი წერეთელი; 18. პავლე კუბლაშვილი; 19. გიორგი კარბელაშვილი; 20. რამაზ ნიკოლაიშვილი; 21. ზურაბ მელიქიშვილი; 22. ლევან ბეჟაშვილი; 23. აკაკი ბობოხიძე; 24. გივი თარგამაძე; 25. ხათუნა გოგორიშვილი; 26. მიხეილ მახარაძე; 27. გიორგი მელაძე; 28. კობა სუბელიანი; 29. გიორგი ღვინიაშვილი; 30. აკაკი მინაშვილი; 31. ნუგზარ წიკლაური; 32. გიორგი ხაჩიძე; 33. დავით დარჩიაშვილი; 34. გიორგი კანდელაკი; 35. შოთა მალაშხია; 36. ეკა ხერხეულიძე; 37. ლევან თარხნიშვილი.
(ბ.ი.)