საფრანგეთის საელჩომ საქართველოში გაარცელა საგარეო საქმეთა სამინისტროს პრესსპიკერის მოადგილის ბ-ნ ვენსან ფლორეანის განცხადება ქართულ ტელეარხებზე გავრცელებული ჩანაწერის თაობაზე, რომელიც გოგა ხაინდრავასა და კანონიერ ქურდ ნუგზარ ლორთქიფანიძის შეხვედრის ფაქტს ასახავს. ვიდეოჩანაწერი საფრანგეთის შსს-მ ქართულ მხარეს გადმოსცა. გთავაზობთ განცხადების სრულ ტექსტს.
„საქართველო – საფრანგეთის საგამოძიებო საიდუმლო ინფორმაციის გავრცელება
ჩვენ გაოცებულნი ვართ, რომ საქართველოს ხელისუფლებამ გამოაქვეყნა ინფორმაცია, რომელიც საფრანგეთში მიმდინარე ერთი საქმის საგამოძიებო საიდუმლოს წარმოადგენს და ეხება შესაძლო გარიგებას ქართველ ოპოზიციონერსა და საფრანგეთში მოქმედ ქართული წარმომავლობის კრიმინალურ ჯგუფებს შორის.
საფრანგეთის ხელისუფლებას ამ ინფორმაციის გამოქვეყნების ნებართვა არავითარ შემთხვევაში არ გაუცია, რისი უფლებაც, სხვათა შორის, მას არ გააჩნია.
წინასაარჩევნო მგრძნობიარე კონტექსტში, მით უმეტეს, როცა ის საქართველოს პენიტენციალურ დაწესებულებებში წამების შემთხვევების მხილებამ კიდევ უფრო დაძაბა, ძიებაში მყოფი ნებისმიერი საქმის გამოყენებას შეუძლია არჩევნების ნორმალურად ჩატარებაზე იმოქმედოს.
საფრანგეთი კვლავ მოუწოდებს საქართველოს ხელისუფლებას ყველაფერი იღონოს იმისათვის, რომ არჩევნები მშვიდ გარემოში ჩატარდეს.“
(ბ.ი.)