გუშინ, 31 ოქტომბერს, ქუთაისში აფხაზეთის განათლებისა და კულტურის მინისტრი დალი ხომერიკი იმყოფებოდა. ის არასამთავრობო ორგანიზაცია „განათლება და სამყაროს“ ოფისში განათლების სფეროსა წარმომადგენლებსა და აფხაზეთიდან დევნილი ინტელიგენციის ერთ ნაწილს შეხვდა. მინისტრმა მათ აფხაზეთის განათლების სისტემის ხედვა და კონცეფცია წარუდგინა.
როგორც ქალბატონმა დალიმ აღნიშნა, სამინისტროს მთავარი მიმართულება სამშვიდობო განათლების მხარდაჭერაა და არასამთავრობო სექტორთან ერთად კოორდინირებული მუშაობა. აფხაზეთის მთავრობა საქართველოს ცენტრალურ მთავრობასთან და სამშვიდობო საკითხებზე მომუშავე არასამთავრობო სექტორთან ერთად გეგმავს სამშვიდობო განათლების პრიორიტეტების დადგენას და სამუშაო გეგმის შემუშავებას.