გუშინ სასტუმრო „ბაგრატი -1003“-ში კონსტიტუციის საჯარო განხილვა  გაიმართა, რომელშიც ადგილობრივი საზოგადოებისა  და არასამთავრობო ორგანიზაციების წარმომადგენლებთან ერთად მონაწილეობას იღებდნენ პარლამენტარები გიორგი ახვლედიანი, გურამ ჩახვაძე, ვახტანგ ბალავაძე. შეხვედრა „სამართლიანი არჩევნებისა და დემოკრატიის საერთაშორისო საზოგადოება ISFED –ის მარდაჭერით შედგა.

განიხილეს პარლამენტის წევრთა რაიოდენობის ცვლილებების განმაპირობებელი ფაქტორები, ასევე: ეწინააღმდეგება თუ არა კონსტიტუციური ცვლილებები დეპუტატთა რაოდენობის ზრდის თაობაზე 2003 წლის რეფერენდუმის შედეგებს, როგორ გავლენას ახდენს კონსტიტუციური ცვლილებები არსებულ საარჩევნო სისტემაზე, რა ფინანსური ეფექტი შეიძლება მივიღოთ კონსტიტუციური ცვლილებების მიღების შემთხვევაში.