საქართველოს საგარეო საქმეთა მინისტრის პირველი მოადგილე, დავით ზალკალიანი გერმანიის ბუნდესტაგის დეპუტატებს შეხვდა.
საგარეო საქმეთა სამინისტროს ინფორმაციით, გერმანიის დელეგაციის შემადგენლობაში იყვნენ: საგარეო ურთიერთობათა და თავდაცვის კომიტეტების წევრ ანდრეას შოკენჰოფი, თავდაცვის კომიტეტის თავმჯდომარის მოადგილე, ატლანტიკური ხელშეკრულების ასოციაციის პრეზიდენტ, კარლ ლამერსი და კონრად ადენაუერის ფონდის სამხრეთ კავკასიის წარმომადგენლობის დირექტორი ჯანან ათილგანი.
სტუმრები დაინტერესდნენ საქართველოს ევროპული და ევროატლანტიკური ინტეგრაციის საკითხებით, ოკუპირებულ ტერიტორიებზე შექმნილი ვითარებით და რეგიონში უსაფრთხოების თვალსაზრისით არსებული მდგომარეობით.
დავით ზალკალიანმა აღნიშნულ საკითხებთან დაკავშირებით გერმანულ დელეგაციას ქართული მხარის ხედვები და პოზიციები დეტალურად გააცნო. აღინიშნა ბოლო პერიოდში საქართველოში განხორციელებული მაღალი დონის ვიზიტებისა და საქართველოს პრემიერ-მინისტრის ირაკლი ღარიბაშვილის ბერლინში ვიზიტის მნიშვნელობა.
ხაზი გაესვა გერმანიის ჩართულობის მნიშვნელობას მოსალოდნელ გამოწვევებთან გამკლავების პროცესში.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი