შვედეთის და საქართველოს პარლამენტების ურთიერთთანამშრომლობის ფარგლებში დეპუტატების სამუშაო შეხვედრა გრძელდება.
სასტუმრო "ჰოლიდეი ინნ"-ში შეხვედრის მეორე დღეს ქართველი და შვედი პარლამენტარები გენდერული თანასწორობის მდგომარეობის შესახებ იმსჯელებენ. ორდღიანი შეხვედრის ფარგლებში საუბრის თემები იყო საკანონმდებლო მუშაობა, პარლამენტის საკონტროლო ფუნქციები და მასთან დაკავშირებული საკითხები. ამ თემებთან დაკავშირებით მიმდინარეობს აზრთა გაცვლა-გამოცვლა. დეპუტატები დაყოფილი არიან თემატურ ჯგუფებად და გაერთიანებულ სხდომაზე დღის წესრიგით გათვალისწინებულ საკითხებზე მოხსენებით გამოდიან.
წყარო:
interpressnews.ge