ერთადერთი ინსტიტუტი, რომელიც წარსულზე ფიქრობს, ეს არის პროკურატურა, - ამის შესახებ საქართველოს პრემიერ- მინისტრმა ირაკლი ღარიბაშვილმა
განაცხადა.
როგორც პრემიერმა საზოგადოებრივი მაუწყებლის ეთერში აღნიშნა, პროკურატურაში რამდენიმე ათასი საჩივარია შესული.
"პროკურატურა ვალდებულია იფიქროს, ის ვალდებულია პასუხი გასცეს ათასობით მოქალაქის მიერ დაწერილ განცხადებას", - განაცხადა პრემიერმა.
მისივე აზრით, ეს ბუნებრივია, რადგან როდესაც წინა ხელისუფლება 300 ათას მოქალაქეს ასამართლებდა, მათ შორის ძალიან ბევრი უსამართლოდ იყო გასამართლებული და არსებობს ძალიან ბევრი მძიმე დანაშაული, რომელსაც გამოძიება და შეფასება სჭირდება. "ამას პროკურატურა აკეთებს", - დასძინა საქართველოს პრემიერ-მინისტრმა.
წყარო:
interpressnews.ge