უახლოეს მომავალში ევროკავშირის სრულუფლებიანი წევრობისთვის მნიშვნელოვანი ნაბიჯები გადაიდგმება, - ამის შესახებ ენერგეტიკის მინისტრმა კახი კალაძემ "რუსთავი 2"-ის გადაცემა "პოზიციაში" განაცხადა.
"ირაკლი ღარიბაშვილის ვიზიტი აშშ-ში უაღრესად წარმატებული იყო. ეს არის მთლიანად საქართველოს წარმატება და მინდა ხაზი გავუსვა, რომ ეს არ არის მხოლოდ ჩვენი ხელისუფლების წარმატება. დარწმუნებული ვარ, რომ იმ გზაზე, რომელიც ჩვენ ავირჩიეთ ევროპისკენ, ყველაფერს გავაკეთებთ, იქნება მნიშვნელოვანი ნაბიჯები გადადგმული, რომ უახლოეს მომავალში შევძლოთ გავხდეთ ევროკავშირის სრულუფლებიანი წევრი ქვეყანა, მაგრამ იმასაც აღვნიშნავ, რომ ძალიან მნიშვნელოვანი იქნება ევროპისა და ჩვენი სტრატეგიული პარტნიორის, ამერიკის შეერთებული შტატების მტკიცე პოზიცია, რომელიც მათ უკვე დააფიქსირეს", - აღნიშნა კალაძემ.


წყარო: interpressnews.ge