ჩინური მხარის ინიციატივით, დღეს, საქართველოს საგარეო საქმეთა მინისტრის პირველ მოადგილეს დავით ზალკალიანსა და საქართველოში ჩინეთის სახალხო რესპუბლიკის ელჩს იუე ბინს შორის შეხვედრა გაიმართა.
საგარეო საქმეთა სამინისტროს ინფორმაციით, მხარეებმა განიხილეს ორმხრივი თანამშრომლობის შემდგომი გაღრმავების პერსპექტივები და სხვა აქტუალური საკითხები, მათ შორის სოჭის ოლიმპიური თამაშების კონტექსტში.
ელჩმა კიდევ ერთხელ მკაფიოდ დაადასტურა ჩინეთის ოფიციალური და განუხრელი მხარდაჭერა საქართველოს სუვერენიტეტისა და ტერიტორიული მთლიანობისადმი.

წყარო: interpressnews.ge