საქართველოს პრეზიდენტი პარლამენტში ანგარიშით 21 თებერვალს წარსდგება. როგორც გიორგი მარგველაშვილმა "რუსთავი 2"-ის გადაცემა პოზიციაში განაცხადა , საუბარი იქნება იმ ძირითად და სტრატეგიულ ვექტორებზე, რომლის ირგვლივაც უნდა განვითარდეს საქართველო.
მისივე თქმით, საუბარი ასევე შეეხება კონსტიტუციას, ხელისუფლებაში მოსვლის შემდეგ პერიოდს. ამასთან, მარგველაშვილის ინფორმაციით, იქიდან გამომდინარე, რომ პრეზიდენტი აღარ არის პასუხისმგებელი ბიუჯეტზე, მინისტრებზე, განსხვავებული ფორმატი იქნება. პრეზიდენტის განმარტებით, მისი სიტყვის შემდეგ იქნება უმრავლესობისა და ოპოზიციის გამოსვლა, შემდეგ კი მათ უპასუხებს.

წყარო: interpressnews.ge