მთავრობის კანცელარიის უფროსის მოადგილედ შსს-ს მომსახურების სააგენტოს ყოფილი ხელმძღვანელი დაინიშნა
საქართველოს მთავრობის კანცელარიის უფროსის მოადგილედ შსს-ს მომსახურების სააგენტოს უკვე ყოფილი უფროსი ნინო კობახიძე დაინიშნა.
როგორც "ინტერპრესნიუსს" მთავრობის კანცელარიის პრესსამსახურიდან აცნობეს, ნინო კობახიძე კანცელარიის მთავრობის ადმინისტრაციად გარდაქმნისა და რესტრუქტურიზაციის პროცესს უხელმძღვანელებს, რომელიც მართვის ევროპულ მოდელზე გადასვლას ისახავს მიზნად.
"კანცელარიის რეორგანიზაცია დაეფუძნება ღია და საჯარო მმართველობის ევროპულ მოდელს. გატარდება მნიშვნელოვანი სტრუქტურულ–ფუნქციურ ცვლილებები, რომელიც სამთავრობო სტრუქტურებს შორის მეტ კოორდინაციასა და ეფექტურ მონიტორინგზე იქნება ორიენტირებული და მმართველობის თანამედროვე, ევროპული სტანდარტების დამკვიდრებას შეუწყობს ხელს", - განმარტავენ მთავრობის კანცელარიაში.
ახალი სტრუქტურის პრეზენტაცია უახლოეს მომავალში გაიმართება.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი