საქართველოში ვიზიტად მყოფი ამერიკის შეერთებული შტატების სენატორთა და კონგრესმენთა დელეგაცია ამ წუთებში "
ერთიანი ნაციონალური მოძრაობის" ლიდერებს ხვდება.
დელეგაციას, რომელსაც სენატორი ჯეიმს ინჰოფი ხელმძღვანელობს, "ნაციონალური მოძრაობის" მხრიდან ხვდება დავით ბაქრაძე, გიორგი ბარამიძე, გიგი წერეთელი, გიგა ბოკერია, ზურაბ ჯაფარიძე და გიორგი კანდელაკი.
"ინტერპრესნიუსის" ინფორმაციით, საუბრის მთავარი თემა მიმდინარე შიდა პოლიტიკური საკითხებია, ასევე საგარეო პოლიტიკა და მოახლოებული თვითმმართველობის არჩევნები.
"ერთიანი ნაციონალური მოძრაობის" წარმომადგენლებთან შეხვედრის შემდეგ აშშ-ის კონგრესის დელეგაციის წარმომადგენლები უკვე ხელისუფლების უმაღლეს პირებს შეხვდებიან.
წყარო:
interpressnews.ge