საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო სამ ახალ ინიციატივაზე მუშაობს.
როგორც "ინტერპრესნიუსს" უწყებიდან აცნობეს, დაგეგმილია დევნილთა შემწყეობის 45 ლარამდე გაზრდა; ასევე, 414 ოჯახისთვის ბინების საკუთრებაში სიმბოლურ ფასად - 1 ლარად გადაცემა და 25 ათასი დევნილი ოჯახისთვის 200 ლარიანი ვაუჩერების გადაცემა.
მათივე ინფორმაციით, მინისტრი დავით დარახველიძე აღნიშნულ საკითხებს მთავრობის ხვალინდელ სხდომაზე გაიტანს. მთავრობის სხდომის დასრულების შემდეგ მინისტრი ამ თემებზე კომენტარს გააკეთებს.


წყარო: interpressnews.ge