ქუთაისის მერიის ტრანსპორტის სამსახური არჩევნების შემდეგ მძღოლებს საქალაქო ტრანსპორტზე მგზავრობის ღირებულების ზრდას დაპირდა. ამის შესახებ საკრებულოს სხდომაზე განცხადება „ნაციონალმა“ დეპუტატმა გია უკლებამ გააკეთა. უკლებას თქმით, ქალაქში გაფიცული მძღოლები სამსახურმა იმით გააჩერა, რომ მგზავრობის ღირებულების გაძვირების პირობა დადო. უკლებას განცხადებას ტრანსპორტის სამსახურის უფროსის მოვალეობის შემსრულებელმა ნიკა კეპულაძემ უპასუხა, რომლის თქმით, „ნაციონალი“ დეპუტატი მძღოლებმა მოატყუეს. „მე რეალურად არავის არაფერს ვპირდები,“ - ამბობს კეპულაძე.
წყარო:
news.ge