გიორგი აბაშიშვილმა კონსტიტუციის დღესთან დაკავშირებით სასახლეში ახალგაზრდებს უმასპინძლა
პრეზიდენტის ადმინისტრაციის უფროსმა გიორგი აბაშიშვილმა კონსტიტუციის დღესთან დაკავშირებით საქართველოს სხვადასხვა რეგიონიდან ჩამოსულ
ახალგაზრდებს პრეზიდენტის სასახლეში უმასპინძლა.
როგორც „ინტერპრესნიუსს“ პრეზიდენტის ადმინისტრაციის პრესსამსახურიდან აცნობეს, გიორგი აბაშიშვილმა ახალგაზრდებს სასახლის ეზოში "კონსტიტუციის დერეფანი" დაათვალიერებინა, სადაც საქართველოს კონსტიტუციასთან დაკავშირებული, მნიშვნელოვანი მოვლენების ისტორიული, საარქივო მასალები იყო გამოფენილი.
გიორგი აბაშიშვილი ახალგაზრდებს კონსტიტუციის, როგორც საერთო-სახალხო დოკუმენტის მნიშვნელობასა და საკონსტიტუციო პროცესთან დაკავშირებით ესაუბრა.
წყარო:
interpressnews.ge