პარლამენტის ევროპასთან ინტეგრაციის კომიტეტის თავმჯდომარე, ვიქტორ დოლიძე 1-4 სექტემბერს ევროპარლამენტში სამუშაო შეხვედრებს გამართავს.
როგორც "ინტერპრესნიუსს" პარლამენტის პრესსამსახურიდან აცნობეს, ბრიუსელში ვიზიტისას დეპუტატი ევროპელ კოლეგებთან ქვეყანაში მიმდინარე პოლიტიკურ პროცესებზე, რეგიონში შექმნილ ვითარებაზე, საქართველო-ევროკავშირის სამომავლო თანამშრომლობის საკითხებზე იმსჯელებს და ევროკავშირში საქართველოს საკითხზე მომხსენებელს, ანდრეის მამიკინს შეხვდება.
1-2 სექტემბერს ევროპარლამენტის საგარეო საქმეთა კომიტეტის სხდომა გაიმართება, რომელზეც უკრაინაში, ერაყში, ღაზასა და ლიბიაში მიმდინარე მოვლენებთან ერთად, საქართველოს საკითხის განხილვა მოხდება.
კომიტეტის სხდომაზე საქართველოში ევროკავშირის დელეგაციის ახალი ხელმძღვანელი მოხსენებით წარსდგება.
პარლამენტის პრესსამსახურის ინფორმაციით, ვიზიტის ფარგლებში, საქართველო-ევროკავშირის საპარლამენტო თანამშრომლობის ფორმატთან და ევროკავშირთან ასოცირების ხელშეკრულების იმპლემენტაციასთან დაკავშირებით, ვიქტორ დოლიძის და ახლად არჩეული ევროპელი პარლამენტარების ორმხრივი შეხვედრებია დაგეგმილი.
წყარო:
interpressnews.ge