დღეს ქუთაისის მერიის თვითმმართველობის საკრებულოს სხდომაზე ქალაქის ბიუჯეტზე იმსჯელეს. წელს ქუთაისის კეთილმოწყობისათვის ბიუჯეტიდან 1 306 000 ლარი დაიჯარხება. თანხა, ძირითადად, ქუჩების მოსაპირკეთებლად, საკანალიზაციო სისტემისა და ლიფტების, გარეგანათების მოსაწესრიგებლადაა გაწერილი. ასევე ბიუჯეტი შეეწევა ქალაქში ახალი ფეხბურთის მოედნის მშენებლობას.

საკრებულოს სხოდმაზე რესპუბლიკელმა ვლადიმერ ნაკაშიძემ ვიდეოკონტროლის არა მარტო ქალაქის ცენტრში დამონტაჟება, არამედ მათი გარეუბნებში დაყენებაც მოითხოვა. მისი აზრით, ეს ავტოავარიების თავიდან აცილებაში დაეხმარება ქალაქს.

საკრებულოს სხდომაზე შეზღუდული შესაძლებლობების ბავშვთა სასწავლებლის დირექტორი ვალენტინ მახათაძე დახმარების სათხოვნელად იყო მისული. სამი თვეა სასწავლებლის თანამშრომლებს ხელფასი არ აუღიათ. საკრებულოს თავმჯდომარემ, ამირან ხვადაგიანმა, მათი პრობლემის შესახაბ განხილვა მომდევნო სხდომისათვის გადადო, როგორც გაირკვა, არა - პირველად. დახმარების სათხოვნელად სასწავლებლის თანამშრომლები მერს, საკრებულოს თავმჯდომარეს, მაჟორიტარ დეპტატსაც კი კარგა ხანია მიმართავენ, მაგრამ ამაოდ...