ბოლო რამდენიმე წელია, საქართველო ზამთრის მოლოდინის პარალელურად ენერგორესურსების ალტერნატიული გზების ძიებით იყო დაკავებული.
ენერგეტიკის საკითხებში ექსპერტის, ლიანა ჯერვალიძის განცხადებით, წელს, გაზის თვალსაზრისით, საქართველო რუსეთზე არ იქნება დამოკიდებული. „გეტყვით, რომ ეს წელი ძალიან წყალუხვი იყო და, აქედან გამომდინარე, ყველა მიკროელექტროსადგური მწყობრშია. დღეისთვის ყველა თბოელექტროსადგური წყლითაა დატვირთული. აქედან გამომდინარე, შეგვიძლია ვთქვათ, რომ ჰიდროგენერაციის თვალსაზრისით პრობლემა არ გვექნება.“ – ამბობს ლიანა ჯერვალიძე.
თუმცა ექსპერტი მიიჩნევს, რომ შეიძლება რაღაც გაუთვალისწინებელი დეტალები გამოიკვეთოს ქვეყანაში ამ თვალსაზრისით, ვინაიდან ამ სფეროში არსებული ბევრი კონტრაქტი დაფარულია და არ არის საზოგადოებისთვის ხელმისაწვდომი, მათ შორის – ექსპერტთა ჯგუფებისთვისაც.