ქუთაისის საკრებულოს 35-ე სხდომის გადაწყვეტილებით, ქალაქის ბიუჯეტიდან ჩოგბურთის კორტის პროექტისათვის 5000 ლარი გამოიყოფა. კორტები „ტორპედოს“ სტადიონთან, ძველი კორტის ტერიტორიაზე აშენდება.
ეს საკითხი დღის წესრიგში მას შემდეგ დადგა, რაც ქუთაისელმა ჩოგბურთელებმა ბათუმში გაიმარჯვეს. პრეზიდენტმა გამარჯვებულებს წარმატება მიულოცა და იქვე შემთხვევით გაიგო, რომ ისინი შეჯიბრისათვის ასფალტზე ემზადებოდნენ. პრეზიდენტმა მაშინვე გასცა დავალება ქუთაისში კორტის მშენებლობის შესახებ და იმ დღესვე განახორციელა შესაბამისი ზარი მხარის გუბერნატორთან.