ლეიბორისტული პარტია „ენერგო-პრო-ჯორჯიას“ წინააღმდეგ გამოდის. სააქციო საზოგადოებას პარტიის ქუთაისის ორგანიზაციის წარმომადგენლები მოსახლეობის ძარცვაში ადანაშაულებენ. საქმე ეხება მოხმარებული ელექტროენერგიის წინასწარ გადახდას. ქვითრები, რომლებიც მსგავს შინაარსს შეიცავს, მოსახლეობას ქუთაისში და იმერეთის რამდენიმე რეგიონში დაურიგდა. მათ მიხედვით, თუ გადასახადის გადახდა აბონენტს დაუგვიანდა, მაშინ მას ზედმეტ გადასახადს აწერენ.

როგორც ლეიბორისტული პარტიის ქუთაისის ორგანიზაციის ხელმძღვანელმა სამსონ გუგავამ განაცხადა, ამ პრობლემის გადასაჭრელად ისინი უახლოეს მომავალში სემეკს მიმართავენ.