ჩვენ ყოველდღიურად ვსარგებლობთ ბრაუზერებით და რუქებით, ვწერთ ელექტრონულ წერილებს, ვყიდულობთ ნივთებს ინტერნეტში, Google კი ამ ინფორმაციას აგროვებს და საერთო ჯამში, გამოდის ისე, რომ მან ჩვენზე ყველაფერი იცის. რა ინფორმაციას ფლობს Google, ამის გარკვევა ახლავე, ქვემოთ მოცემული ბმულების საშუალებით შეიძლება.
1. გაიგეთ თქვენი გადაადგილების ისტორია
თუ თქვენ თანამედროვე სმარტფონით სარგებლობთ Android ან iOS-ის ბაზაზე და თქვენი მობილური ინტერნეტიც, ხშირ შემთხვევაში, ჩართულია, მაშინ გაოგნებული დარჩებით იმ ინფორმაციით, რომელსაც Google თქვენი ადგილმდებარეობის შესახებ აგროვებს. ამ ბმულზე შეგიძლიათ თქვენი გადაადგილების ისტორია იხილოთ.
Google ინახავს ყველა სიტყვას, რაც კი ოდესმე საძიებო ველში ჩაგიწერიათ. ასევე ყველა ბმულს, რომელზეც ოდესმე გადასულხართ. ჩანაწერები შეგიძლიათ იხილოთ აქ.
იმისთვის, რომ ყველა მომხამრებელს აჩვენოს რეკლამა მისი გემოვნებისა და გატაცების შესაბამისად, Google აგროვებს ინფორმაციას თქვენ შესახებ და ქმნის მთელ პროფაილს. ყველა მომხმარებელს შეუძლია ამ ინფორმაციის გაკონტროლება ამ ბმულის საშუალებით.
ბევრისთვის ცნობილი Google Analytics იძლევა საშუალებას, გაიგოთ, რომელ საიტსა და გვერდს სტუმრობდით და რა სიხშირით აკეთებდით ამას. ძალიან ცოტამ თუ იცის, რომ შესაძლებელია, გამორთოს მონაცემთა შეგროვების ეს კონკრეტული ფუნქცია ამ ბმულის საშუალებით.
Google მომხმარებლებს ექაუნთის აქტივობის გვერდს სთავაზობს, სადაც შეიძლება Google-ის ყველა იმ სერვისზე ინფორმაციის მიღება, რომელსაც თქვენ იყენებთ. გარდა ამისა, შესაძლებელია ჩაირთოს ყოველთვიური ანგარიშის ფუნქციაც, რომელიც თქვენს ელექტრონულ ფოსტაზე გამოიგზავნება.
Google-ის ანგარიშის აქტივობის გვერდი ასევე ინახავს იმ აპლიკაციების სიას, რომელთაც აქვთ წვდომა თქვენს მონაცემებთან. ამ სიის ნახვა შეგიძლიათ აქ.
Google იძლევა თქვენი მონაცემების ექსპორტირების საშუალებას: ელექტრონული ფოსტა, კონტაქტები, ფაილები, პროფილის ინფორმაციები, YouTube-ის ვიდეოები, ფოტოები და ბევრი სხვა. ამის გაკეთება შესაძლებელია ამ ბმულზე.
იმ ინფორმაციების გარდა, რომელზეც ზემოთ ვილაპარაკეთ, Google ინახავს YouTube-ზე ნანახი ვიდეოების ისტორიასაც.
o.fhj^ http://sazogadoeba.ge/