ქალაქ ქუთაისის ჭავჭავაძის 19-ში (ყოფილი „ეროვნული ალიანსის“ შენობა)  მცხოვრები აფხაზეთიდან დევნილები ქუთაისის მერიას მათი შენობის წინ არსებულ გზაზე „მწოლიარე პოლიციელის“ დამონტაჟებას სთხოვენ. როგორც დევნილები აცხადებენ, მათ ორჯერ (10.09.2013 წ. - ბატონ დიმიტრი კოპალიანს და 25.02.2014 წ. - შოთა მურღულიას) მიმართეს წერილობით ადგილობრივ ხელისუფლებას, მაგრამ ამაოდ.

აფხაზეთიდან დევნილების წერილობით პასუხს ქალაქ ქუთაისის მერია 1 წლის შემდეგ გამოეხმაურა (02.06.2015) , სადაც მითითებულია რომ დევნილთა თხოვნა ვერ დაკმაყოფილდება, რადგან 2015 წლის ბიუჯეტში არ არის გათვალისწინებული აღნიშნული ბარიერების მოწყობა.

„საავტომობილო გზა საფრთხეს გვიქმნის აქ მცხოვრებლებს. გადაჭარბებული სიჩქარით მოძრავი ავტომობილები ავარიულ სიტუაციას ქმნიან ჩვენს ეზოსთან. ორჯერ მივმართეთ ქუთაისის მერიას, დავეცავით სავალალო შედეგებისგან, მოექციათ დროული ყურადღება,  გზაზე დაეგოთ შემაფერხებელი გადასასვლელი, ე.წ. „მწოლიარე პოლიციელი“, მაგრამ არავინ იყო ყურად ჩვენი თხოვნა.“ – აცხადებს აფხაზეთიდან იძულებით გადაადგილებული ნელი კენჯია.

მანანა ლეშკაშელი