„მეცხრე არხის“ გენერალური დირექტორის ლუბა ელიაშვილის განცხადებით, „მეცხრე არხისა“ და „ინფო 9“-ის მყიდველები უკვე გამოჩნდნენ. „მეცხრე არხისა“ და „ინფო 9“-ის შეძენით დაინტერესებული არაერთი მსურველი გამოჩნდა. „ინფო 9“-ის შემთხვევაში ცდილობენ ბრენდის შეძენას და ამასთან დაკავშირებით, მფლობელებთან კონსულტაციები უნდა გავიარო თუ რამდენად მზად არიან „ინფო 9“-ის შემთხვევაში ბრენდი გაყიდონ. რაც შეეხება „მეცხრე არხს“, მასთან დაკავშირებით, ჯერჯერობით ფასით ინტერესდებიან“, - განაცხადა ლუბა ელიაშვილმა. მისივე განმარტებით, იგი იმუშავებს კონკრეტულ პაკეტებზე თუ რა შეიძლება შესთავაზონ „მეცხრე არხისა“ და „ინფო 9“-ის შეძენით დაინტერესებულ პირებს, დათვლილი იქნება რა აქტივი და პასივი გააჩნია არხს და სააგენტოს.
წყარო: info9.ge