ქუთაისის მერი შოთა მურღულია ქალაქში მოღვაწე დამსახურებულ მხატვრებსა და მოქანდაკეებს შეხვდა.
შოთა მურღულია კულტურის , სპორტის განვითარების, ძეგლთა დაცვისა და განვითარების სამსახურის წარმომადგენლებთან ერთად მხატვართა კავშირის წევრების პრობლემებს გაეცნო. საუბარი შეეხო ხელოვანთა სალონის აღდგენის საკითხს, სადაც გამოფენა-გაყიდვა გაიმართება. აგრეთვე მხატვრების პერსონალური გამოფენების მოწყობის აუცილებლობას.
შოთა მურღულიას თქმით, ყველა პრობლემურ საკითხზე მუშაობა აქტიურად მიმდინარეობს და მათი მოგვარების მიზნით მხატვრებთან შეხვედრა მომავალშიც არაერთხელ გაიმართება.