პარტია „დემოკრატიული მოძრაობა“ ქუთაისის  შტაბში გამართულ საგანგებო ბრიფინგზე, ქუთაისის 6 უბანზე გამოვლენილი კარუსელის მცდელობის ფაქტის შესახებ ისაუბრეს. შტაბის ხელმძღვანელის ივლიანე ნაჭყებიას თქმით, კარუსელის მცდელობა ბურჯანაძის წარმომადგენლებმა  6 უბანზე დააფიქსირეს.  ეს უბნებია 29-ე, მე -40, 68-ე, 82-ე, 106-ე და 107-ე უბნები.

82-ე საარჩევნო უბანზე, ავტოქარხაში, მოქალაქე გურამ ბუცხრიკიძე განმეორებით შესვლას შეეცადა, უბნის დამკვირვებელთა თქმით, ბუცხრიკიძეს უკვე გაკეთებული ჰქონდა მარკირება და ის განმეორებით ცდილობდა ხმის მიცემას. მას შემდეგ, რაც დამკვირვებლებმა ფაქტი დააფიქსირეს, გურამ ბუცხრიკიძე საარჩევნო უბნიდან გაქცევას შეეცადა. ფაქტი დაფიქსირებულია ჩანაწერთა წიგნში.