2013 წლის იანვარ-აპრილში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 3006 მილიონი აშშ დოლარი შეადგინა. საქართველოს სტატისტიკის ეროვნული სამსახურის (საქსტატი) მიერ გავრცელებული ინფორმაციით, აღნიშნული მაჩვენებელი წინა წლის ანალოგიური პერიოდის მონაცემებზე 4 პროცენტით ნაკლებია.
საქონლით საგარეო სავაჭრო ბრუნვის საერთო მოცულობიდან ექსპორტზე 785 მილიონი აშშ დოლარი მოდის, იმპორტზე კი 2220 მილიონი აშშ დოლარი.
საქართველოს ურყოფითმა სავაჭრო ბალანსმა 2013 წლის იანვარ-აპრილში 1435 მილიონი აშშ დოლარი და საგარეო ბრუნვის 48 პროცენტი შეადგინა.
საქსტატში განმარტავენ, რომ მონაცემები წინასწარი ინფორმაციის საფუძველზეა გამოქვეყნებული, საბოლოო, დაზუსტებული მაჩვენებლები კი 24 მაისს გამოქვეყნდება.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი