საქართველოს თავდაცვის სამინისტრო 9 სექტემბერს ამერიკაში მოღვაწე ქართველი ავიაკონსტრუქტორის ალექსანდრე ქართველიშვილის (ქართველის) დაბადების დღისადმი მიძღვნილ ღონისძიებას გეგმავს. ამ მიზნით, საქართველოს სამხედრო ავიაციის ისტორიაში პირველად დაგეგმილია ავია-შოუს მოწყობა. ღონისძიებისათვის მზადების ფარგლებში, თბილისში, ისანი-სამგორის რაიონის თავზე ფრენებს ახორციელებენ Су-25 და L-39 ტიპის თვითმფრინავები, რომლებიც შოუს განმავლობაში სხვადასხვა სახის საავიაციო ილეთებს შეასრულებენ. 8 სექტემბერს, 11:00-15:00 საათებში, ავია-შოუსთან დაკავშირებით დაგეგმილია გენერალური რეპეტიცია. ფრენები განხორციელდება მარნეულის სამხედრო აეროდრომიდან.
წყარო:
news.ge